Jean-Pierre Recalt

1952

Jean-Pierre Recalt 1952ko apirilaren 13an sortua da, Saint Estèphe herrian (Gironda). Haren burasoek mahastian lan egiten zuten. Familia Altzaira itzuli zen, 6 hilabete zituelarik. Jean-Pierrek bi anaia eta arreba bat baditu. Altzaiko eskola pribatuan hasi zen ikasten. Han, Errezarret apezak klaseak ematen zituen, eta gazteei dantza eta kantua irakasten eta euskararen eta kulturaren balioaz ohartarazten lan handia egin zuen. Marcel Errezarret apezari esker eta Pierre Aguer Garat Arhane atabalari eta dantza-maisu famatuak lagundurik, Jean-Pierrek dantzan ikasi zuen, eta 1970ean, lehen aldikotz, maskaradan parte hartu zuen, Txerrero gisa. Orduz geroz, bera ere irakasten hasi zen.

Altzain, maskarada (1970, 1976, 1991, 1998) eta pastorala (1973, 1989, 1999) anitz izan zen. Aguer Garat Arhane eta Pierre Bordaçarre Etxahun-Iruri musikariek lagundurik, bost dantzari hoberenek osatu Aintzindarien taldea leku guzietan galdegina zen, orokorki xiberotar dantzariak galdeginak diren bezala, haien dantza teknikak xiberotar ez direnen ikusmina pizten baitu. Izan duen ibilbide aberatsean, Jean-Pierre Xiberoko pastoral errejent emankorrenetarik bilakatu da.

1991z geroz, hamahiru pastoralen taula zuzendari izan da. Xiberotar dantza ohituren jakintza sendoa, zehatza eta zorrotza badu. Beti prest da haien aipatzeko eta transmititzeko.

Grabaketak

# Erref. Izenburua Data Iraupena Herria Elkarrizketatzaileak
1 182 182 - Jean-Pierre Recalt 2013-04-25 1:07:17 Altzai-Altzabeheti-Zunharreta Maddi Oihenart

Pasarteak

# Izenburua Iraupena
1 Aurkezpena, eskola 0:02:14
2 Marcel Errezarret apeza 0:02:52
3 Altzaiko dantzari famatuenak 0:01:02
4 Txerrero 1970an, Pierre Aguer "Garat Arhane"-ren zuzendaritza pean 0:01:56
5 Xiberutar dantza: 1970 uteetako hastepeneko egoera eta berrikuntza 0:01:33
6 Pierre Aguer Garat Arhane 0:01:16
7 Ezaugarri fisikoak dantzari on bat izateko 0:03:25
8 Praktikatzeko ezberdintasunak Pettarra eta Basabürüaren artean 0:01:06
9 Ikasitako puntuak (püntiak) eta dantzak 0:03:59
10 Braliaren transmisioa eta egin molde irudiztatua 0:04:22
11 Xorrotx, Kherestu eta Entseñari betan 0:01:33
12 "Oi ama Euskal Herria" eta "Orhiko xoria" kantuen jatorria 0:00:50
13 Maskarada: sinbolikaren galtzea 0:05:20
14 Beltzeria edo Beltzen taldea, eta beren predikuaren bilakaera 0:04:19
15 Maskarada bestaren iragaitearen kudeaketa 0:02:06
16 Dantzarien eta kultura eragileen formakuntza : funtsezko lana 0:01:44
17 Jean-Pierre Recalt, dantza irakasle 0:00:27
18 Xorrotx eta Kherestu-ren errolen jokalari ospetsuak 0:03:04
19 Lerdo Atharratze-Sorholüzen, 1970an 0:01:17
20 Maskaraden bilakaera ; euskararen egoera 0:03:07
21 Altzai-Altzabeheti-Zünharretako Gorrien taldea 0:00:25
22 Maskaradak: zaharren begirada 0:00:56
23 Ateraldiak Pierre Aguer "Garat Arhane" eta Pierre Bordaçarre Etxahun-Iruri-rekin 0:02:48
24 Maskak 0:01:03
25 Satan dantzari 1973an 0:00:24
26 Jantzigintza ; Erramun Garcia-ren ekarpena 1999tik goiti 0:03:05
27 Pastorala: aktore kopuruaren handitzearen eragina 0:02:41
28 Jean-Pierre Recalt pastoral errejentaren ibilbidea 0:04:25
29 Pastoralaren antolaketa eta funtzio soziala 0:00:45
30 Pastorala: Gerorako perspektibak 0:02:46

Artxiboko irudiak

CodeSyntax-ek garatua. Softwarea: Django.