Maryse-ren debuta egitea lizeoko antzerki-taldean

"Bai, Donibane Garaziko lizeoan hasi nintzen serioski Antton Lukurekin. Zorrotza zen gurekin, bazuen pazientzia handia baina helburuak ere bazituen eta bazekien zer nahi zuen; aldi berean, antzerki kurtsoak laborategi bat bezalakoak ziren harentzat. Momentu horretan ez ginen ohartzen baina orain gogoratzen dudalarik, zinez esperientzia izigarri indartsua eta polita izan zen. Garai horretan muntatu «Globokop» izeneko antzezlanaren bideoa ikusi dut beranduago eta zinez emaitza izigarri ona da. Berrogei gira taula gainean, istorio ona du, mugimendua bada, zinez lan ona da eta lizeoan ginen! Zinez bide onean ezarri gintuen." 

Lekukoa(k): Maryse Urruty

Herria: Martxueta

Artxibo-funtsa(k): Euskal kultur erakundeko artxiboak

Bilduma: "Euskal kulturaren lekuko" elkarrizketak

Elkarrizketatzailea(k): Jasone Iroz

Data: 2019-06-27

Iraupena: 0:01:45

Erreferentzia: EKL-10-1

EKE-ren artxibo-kodea: EKL-10-1

Gaia(k): Antzerkia


Eskubideak eta erabilpen baldintzak

Orri honetako edukiak Creative Commons Aitortu-EzKomertziala 4.0 Nazioartekoa Baimen baten mende daude (CC BY-NC-SA 4.0).

Baimendua zara web-orrialde honen edukiak (testuak, irudiak edo dokumentuak) partekatzeko eta eduki horietatik abiatuta lan edo eduki eratorriak egiteko. Baldintza bakarra da, beti, edukien jatorria aitortzea (CC BY-NC-SA 4.0 - Euskal kultur erakundea - Institut culturel basque - www.mintzoak.eus), eta adieraztea aldaketarik egin bada jatorrizko edukietan. Ez zara baimendua etekin ekonomikorik egitera. Edukiak haien jatorrizko lizentzia berdinarekin erabiltzera behartua zara.

Maryse Urruty

Martxueta herrikoa, (1988ko agorrilean sortua) Maryse Urruty Donibane Garaziko lizeoan zebilela igo zen lehen aldiz taula gainera, Baxenabarreko nerabe andana bezala Antton Luku irakaslearen zaletasunak kutsatuta. Tolosan (Okzitania) Zientzia Politikoetan titulua lorturik ohartu zen antzokiek mitin aretoak baino gehiago erakartzen zutela. Pariseko L'École du Jeu antzerki eskola bukatu bezain laster hasi zen lehen konpainia muntatzen eta konpainia ezberdinekin lanean. Euskal Herrira itzulirik, hemengo konpainia ezberdinetan ari da orain, oholtza gainean euskaraz aritzeko gogoz.

CodeSyntax-ek garatua. Softwarea: Django.