Nere maite pollita enauzu maitatzen

Nere maite pollita
enauzu maitatzen
bihotz erdigarria
zer dezu pentsatzen
hanbat denbora huntan
nauzu abusatzen laralalai
zertako ari zira
ni hola flakatzen

Primaderan kolore
zoin liliz egina
goizeko xoriari
oi kantu arina
ez duzu ba gelditzen
ene bihotz mina laralalai
zeren sobera baitut
amodio fina

Maiz erraiten dautazu
zuk maite nauzula
eta jendiek erraiten
besterikan dela
mutil gazte propietan
mudakor zarela laralalai
gizonen abusatzen
zuk laket duzula

Sinesten badituzu
jendien erranak
eta guti prestatzen
nere solas onak
deus ez dira izanen
zure ontasunak laralalai
segur sinetsiren nau
ni maite nauenak

Zelaiak biluz triste
dirade neguan
hegaztiek ez dute
kantatzen orduan
ez da amodiorik
zure bihotzean laralalai
kita nezazu beraz
nahi duzunean

Nahi eta beldur naiz
beldur eta nahi !
gizon gaztea baita
oi engainagarri
ez naiteke behin ere
jarri deskantsurik laralalai
zuri maite zuri beldur
ni naiz urrikari