Maddia Bidondo, ezkondu ondoan Maddia Arrabit, 1928an sortu zen Donaixtiko Gibeletxean. Hiru neskaz osaturiko familiako gazteena zen. Familia etxalde ttipi batean bizi zen, eta aitak, jornaltiar bezala, errenta osagarri bat ekartzen zuen. Maddia herriko eskola publikoan ibili zen, 1942an lehen mailako CEP ikasketa agiria lortu arte. Ondotik, Bunuzeko jostun baten etxean josten ikasi zuen, eta berantago, Baionako joste-etxe batera joan zen.
Familiaren etxaldearen jarraipena hartu eta 1949an Frantxoa Arrabit akordeoilari Azkaratearrarekin ezkondu zen. Bi seme ukan zituzten: Pierre 1950ean eta Jimmy 1954an. Etxaldearen ondoan, Maddiak eta Frantxoak beren ofizioetan segitu zuten, bata jostun gisa, bestea musikari gisa, bereziki dantzaldi eta ezkontzetan. 1984tik goiti, beren semea Pierrek herri barnetik hurbil eraiki Plaxatia etxean plantatu ziren. Frantxoa 2001ean zendu zen.
Gaur egun, Maddiak egun zoriontsuak iragaiten ditu bere semearen ondoan. Oroitzapen zehatzak atxikitzen ditu bigarren munduko gerla aitzineko eta ondoko urteetako herriko bizimoduetaz eta Donaixtiko ekonomiaz.
Grabaketak
# | Erref. | Izenburua | Data | Iraupena | Grabaketa herria | Elkarrizketatzaileak | |
---|---|---|---|---|---|---|---|
1 | DOI-001 | DOI-001 - Maddia Arrabit | 2013-10-16 | 0:56:00 | Donaixti-Ibarre | Ainize Madariaga | |
2 | DOI-002 | DOI-002 - Maddia Arrabit | 2013-10-16 | 0:56:00 | Donaixti-Ibarre | Ainize Madariaga | |
3 | 422 | 422 - Maddia Arrabit | 2023-07-27 | 1:26:46 | Donaixti-Ibarre | Terexa Lekumberri | |
4 | ABK-5 | Oztibartarrak lekuko | 2024-08-17 | 0:54:00 | Donaixti-Ibarre | Terexa Lekumberri, Pantxika Maitia |
Pasarteak
# | Izenburua | Iraupena | |
---|---|---|---|
1 | Maddia Arrabit : aurkezpena | 0:08:10 | |
2 | "Kalotxeteia" etxea, garaiko kalotxak eta jantziak | 0:08:39 | |
3 | Herri zentroko eta Arlakondoa auzoguneko haurrak | 0:01:41 | |
4 | Lehengo oroitzapenak eta kanbiamenak | 0:05:09 |
Pasarte muntaketak
# | Izenburua | Iraupena | |
---|---|---|---|
1 | Oztibartarrak lekuko | 0:54:00 |