Anje Duhalde

Sorturtea: 1950

Afiliazio herria: Uztaritze

Anje Duhalde Biarritzen sortua da, 1950ean. Bere bizitzako lehen bi urteetan Arrangoitzen bizi izan zen, bere familia Uztaritzera bizitzera joan zen arte (haren aita hangoa da). Bost seme-alaba dituen familia bateko zaharrena da.
Aita Baionako herriko langilea zen eta ama, aldiz, etxeko anderea.

Anje Duhalde Uztaritzeko San Frantzisko Xabierkoa eskolara joan zen, 14 urte bete arte, gero Marracq lizeora (1964-1966: harrerako laugarrenean eta hirugarrenean) eta azkenik Baionako Lachepaillet ikastetxera, non kontabilitatea ikasten hasi baitzen.

Musikaren zale handia zen jadanik (lehen bateria 15 urtetan erosi zuen). Ikasketak utzi eta 1967an El Fuego euskal orkestra (euskal kantuak errepertorioan sartu zituen lehen taldea) famatuaren bateria-jotzaile bilakatu zen.
Orkestrarekin zuen engaiamenduak ez zion eragotzi kantari-musikari karrera hastea, 1970eko hamarkadaren hastapenean (lehen diskoa 1973an atera zuen) eta batez ere Mixel Ducau-rekin batera Errobi taldea sortzea. Errobi euskal rockaren aitzindaria izan zen (1974tik 1985era, bost disko).

1978an El Fuego utzi eta 1981 eta 1985 urteen artean Akelarre rock talde euskaldunaren kantaria izan zen.

1985etik goiti, Mixel Ducaurekin egin zuen azken diskoaren ondotik (Agurt’erdi), bakarkako lanari lotu zaio eta 1987tik 2012ra dozena bat disko atera ditu, gai berrien inguruan (Xabier Amurizaren bertsoak, Georges Brassens-en kantuen euskarazko moldaketa) eta melodiak.

Konpositore eta kantari gisa egin lanaz gain, 1988tik 1993ra Lapurdiko Gure Irratia irratiko estudioetan aritu zen eta gero Bilbao Hiri Irratia irratiko animatzaile lanetan, Bilboko Kafe Antzokian (1995-2005).

1975ean ezkondu zen, eta orain 1979an sortua den Txomin bere semearekin kantatzen du.

Erran daiteke Anjeren musika ibilbidea euskal musikaren historiarekin hertsiki lotua dela 1970eko hamarkadaz geroz.

Grabaketak

# Erref. Izenburua Data Iraupena Grabaketa herria Elkarrizketatzaileak
1 MB-90 Errobi musika taldea 1976-07-19 0:15:38 Baiona Maite Barnetche
2 MB-150 Daniel Landart euskal idazle eta olerkaria 1979-04-01 0:19:19 Baiona Maite Barnetche
3 259 259 - Anje Duhalde 2016-02-02 1:34:02 Uztaritze Terexa Lekumberri

Pasarteak

# Izenburua Iraupena
1 Errobi (1974-1985), euskal rockaren aitzindaria 0:09:18
CodeSyntax-ek garatua. Softwarea: Django.