Gaxuxa 1948ko agorrilaren 19an sortu zen Jutsiko Arlaania etxean. Lau neska eta mutiko batez osatua den familiako bigarrena da. 1962an, lehen mailako ikasketen agiria lortu zuen herriko eskolan, eta bi urte berantago, menaiu atxikitzaile hoberenaren lehiaketa irabazi zuen Uhartehiriko menaiu zentroan. Eskolaldia bukatutakoan, hotel-jatetxeetan zerbitzari gisa lan egiten hasi zen, eta aldi berean, etxaldean lan egiten zuen, segida hartzeko ideiarekin. 1968an ezkondu zen Xandelateia ondoko baserriko Paul-ekin. Lau seme-alaba ukan dituzte, 1969, 1970, 1973 eta 1981ean. Gaxuxa emazte ihardukitzailea da. Aktiboa izan da, besteak beste, laborantza munduan eta Donaixtiko San-Mixel ikastetxea salbatzeko borrokan. Oztibarre ibarreko gertakari garrantzitsuen lekuko da.
