Pierre Iribarren-ek nafartar erroak bazituen: bere anaiarekin Nafarroa Beherera lan xerka etorri Espartzako Mariano izeneko gizon baten biloba zen. Mariano-k hamaika haur ukan zituen, horien arteko gazteena Pierre-ren aita zelarik. Azken hau Donoztirin sortu zen 1897an. 1924an ezkondu eta 1927an Ospitalean plantatu zen bere anaia zaharrenaren etxetiar bezala, azken hau Ospitalea utzi eta bere familiarekin Euskal Herritik kanpo plantatu zelarik.
Pierre Ospitalean sortu zen 1929an eta etxe hori 1960an baizik ez zuen utzi, 31 urtetan. Ospitaleaz gain, beste bi etxe baziren osabaren etxaldekoak zirenak: Ospitale Etxeberria eta Landaia etxeak, Pierre-ren aitak hauen lurretan ere lan egiten zuelarik (etxeetan etxetiarrak baziren).
1954an ezkondu ondoren, Pierre-k sei urtez Ospitalean lan egin zuen, burasoekin bizi zen ber. Ospitalea erosi ezinik (osabak bere haurrentzat atxikitzen baitzuen), Pierre-k eta bere aitak etxalde bat erosi zuten Aiherran eta han plantatu ziren 1960an. Han bildu ginen Pierre-rekin, 82 urte zituela.
2019ko urtarrilean zendu zen, 90 urtetan.
Grabaketak
| # | Erref. | Izenburua | Data | Iraupena | Grabaketa herria | Elkarrizketatzaileak | |
|---|---|---|---|---|---|---|---|
| 1 | 122 | 122 - Pierre Iribarren | 2011-06-28 | 1:40:57 | Aiherra | Terexa Lekumberri |
Pasarteak
| # | Izenburua | Iraupena | |
|---|---|---|---|
| 1 | Pierre Iribarren : aurkezpena | 0:00:48 | |
| 2 | Merkatua: goizetik arrats | 0:01:52 |
Pasarte muntaketak
| # | Izenburua | Iraupena | |
|---|---|---|---|
| 1 | Merkatua Irisarrin | 0:05:45 |