Ipar Euskal Herriko ahozko memoriaren ataria

Patrick Queheille "Kanpo"

Sorturtea: 1964

Afiliazio herria: Barkoxe

Patrick Queheillek, 1964ko azaroaren 6an Oloroen sortua, Kanpo etxean bizitzen segitzen du. Barkoxeko herriko eskolan ibili zen, gero Oloroeko kolegioan, eta baxoa Pauen erdietsi zuen.

Hainbat urtez industriako mekanikan lan egin zuen, eta gero Barkoxeko herriko langile bilakatu zen, 1990eko urteetan. Hamar urteetan xiberotar dantza ikasten hasi zen. Ondotik, utzi zituen, kirolean aritzeko (errugbia, pilota). Gero, dantzan berriz hasi zen, Jean-Fabien Lechardoyk eta beste batzuek osatu taldean. Alexis Üthürry "Larranda" eta Jean-Pierre Üthürry "Artaguiet" irakasleen irakaskuntza zorrotza segitu zuen.

1979tik goiti, maskaradetan parte hartu zuen, eta 1986an Etxahun pastoralean, Satan dantzari gisa.

Patrick Barkoxeko Etxahun elkarteko oraingo lehendakaria da. Hainbat sorkuntza muntatu dituzte, kultur biziaren aberasteko eta formatzen dituzten dantzari gazte anitzen sustatzeko xedez (Lauburu, Haurren maskarada, Gaialdia, Nahas-Mahas, Kuku Gordeka), bereziki Uhaitza kultur zentroak lagundurik.

1998an, Alexis Etchecopar "Attulik" sustaturik, pastoral idazten hasi zen. Herriko semeak pastorala izan zen. Memoriaren biltzeko egiten duen lanaren fruitu, 2010ean, Xahakoa obra idatzi zuen, Attuli musikagilearen omenez.

Geroan sinesten du. Dantza irakasten segitzen du, kultur ohitura horiek iraun dezaten, nahiz eta kirolaren lehia pairatu.

Grabaketak

# Erref. Izenburua Data Iraupena Grabaketa herria Elkarrizketatzaileak
1 181 181 - Patrick Queheille - Margaita Queheille 2013-04-25 1:24:42 Barkoxe Maddi Oihenart
2 EKE-7 EKE-7 - Patrick Queheille 2018-04-28 1:04:27 Hiriburu Hiriburu Pastorala elkartea

Pasarteak

# Izenburua Iraupena
1 Margaita Queheille: aurkezpena 0:04:04
2 Xiberotar dantzako jantzien egitea 0:10:30
3 Xiberotar kantuaren bi xantre : Alexis Etchecopar "Attuli" eta Lohidoy 0:03:44
4 Pastoralen ohiz kanpoko ikusle bat : amerikar argazkilari bat 0:01:38
5 Parte hartzaile geroz eta gehiago pastoraletan 0:00:40
6 Germain Lechardoy 0:01:01
7 Patrick Queheille "Kanpo": aurkezpena, eskola eta ibilbide profesionala 0:02:16
8 Patrick Queheille "Kanpo" dantzaria: oinarrizko formakuntza 0:04:08
9 Ikasitako lehen puntuak (püntiak) eta dantzak 0:01:26
10 Dantzatzeko eta irakasteko manera ezberdinak herrien arabera 0:02:24
11 Jean-Pierre Üthürry "Artaguiet" dantza maisua 0:06:36
12 1979ko uda: maskarada eta galarrots antzerkia 0:04:03
13 Ateraldiak Aitzindari gisa 0:04:49
14 Satan Etxahun pastoralan 1986an 0:01:08
15 Irakaspena xiberotarrak ez diren dantzarieri 0:03:04
16 1995eko maskarada ; mutiko baino neska gehiago 0:01:46
17 Maskaraden funtzio soziala; Ihauterien izpiritua 0:06:00
18 Patrick Queheille "Kanpo": pastoral idazlearen lehen urratsak 0:06:24
19 Patrick Queheille "Kanpo": ikusgarrien sortzaile 0:02:33
20 Xahakoa pastorala (2010) ; emanaldiak Xiberutik kanpo 0:09:07
21 Pastoralaren funtzio soziala 0:01:56
22 Xiberotar dantzaren etorkizuna 0:05:04
23 Ongia eta gaizkia pastoralan 0:39:44
24 Iraultza bat pastoralaren historian XX. mendean: Etxahun pastorala 0:04:25
25 Emazteak eta pastorala 0:03:11
26 Pastoralen biderkatzearen auziaz 0:02:08
27 Pastorala eta giza-lokarria 0:03:13
28 Pastoralaren interpretazio ezberdinak 0:02:03
29 Lehenagoko pastoralak 0:01:02
30 Lehenago testuak gogoz ikasten irakurtzen jakin gabe ere 0:03:41
31 Eliza eta pastoralak 0:01:28
32 Zergatik pastoraletako kantuak ez dira gehiago klasikoak bilakatzen? 0:03:26

Pasarte muntaketak

# Izenburua Iraupena
1 Patrick Queheille: ihauterietako transgresioa 0:03:45
2 Barkoxeko dantza maisuen erakusteko manera 0:02:44
3 Pastoral idazle bilakatzea 0:04:30
CodeSyntax-ek garatua. Softwarea: Django.