|
2018-09-15 "Eleketa" programa
Joan den irailaren 13an, Maulen, Euskal kultur erakundeak Departamenduaren obragintzapean daraman Eleketa programaren aurkezpen bat egina izan zaie Xiberoko hautsetsi eta kultura eragile batzuei, Mauleko herriko etxearen laguntzarekin. Ahozko memorioaren bilketaren segida Xiberoan aipatua izan da bereziki.
2018-08-24 "Eleketa" programa
Donibane Lohizuneko herriko etxeak bilketa bat sustatu zuen 2012an hiriaren memoria atxikitzeko, hainbat arlo aztertuz: eskulangintza, bizi ekonomikoa, soziokulturala eta kirola adibidez. Lekukotasun guziak Mintzoak plataforman ikusgai dira orain, herriaren eta Euskal kultur erakundearen arteko partaidetza bati esker.
2018-07-27 "Eleketa" programa
Euskal kultur erakundeak Iparraldeko hainbat dantzari eta eragileren lekukotasunak bildu ditu 2012 eta 2017 artean, Pirinio Atlantikoetako Departamenduarekin daraman "Eleketa" programaren karietara. Egindako grabaketak xeheki zerrendatzen dituen datubasea sareratu dugu, bi hizkuntzatan. Lekukotasun batzuen zatiak ikusteko parada ematen du ere.
2018-05-11 "Eleketa" programa
Duela 50 urteko manifestaldiak, grebak eta mugimenduak ekarri dizkigute gogora "Eleketa" programaren karietara Euskal kultur erakundeak bildu zonbeit lekukotasunek.
2017-12-12 "Eleketa" programa
Donapaleuko Zabalik elkarteak "hEskuara Amikuzen" dokumentala zabaldu du sarean. Baxenabarreko eskualde honetan hizkuntzak bi belaunalditan ezagutu duen hondamendiaren eta azken urteotan berriro indar berritzeko herritarrak egiten ari diren ahaleginaren lekuko da. Eleketa programako hainbat artxibo erabili dituzte horretarako.
2017-09-06 "Eleketa" programa
Euskal kultur erakundea eta Mondragon Unibertsitatearen arteko partaidetzaren baitan 2016-2017 ikasturteko Gradu bukaerako lanarentzat, Aretxabaletako Ikus-entzun komunikazioko Beñat Galfarsoro, Gorka Uriarte eta Iñaki Tena ikasleek "Eleketa" ahozko memoriaren bilketaren azterketa kritikoa eraman dute. Ikerketa horren karietara, bilketa programaren komunikazio bideak jorratu dituzte, proposamenak eginez eta promoziorako bideo bat ekoiztuz.
2017-03-09 "Ahotsak" bilketa , "Eleketa" programa
Euskal kultur erakundeko eta Badihardugu elkarteko ordezkariek hitzarmena izenpetu zuten 2017ko otsailaren 17an. Honen bidez, Deba ibarreko euskara elkarteak www.ahotsak.eus webgunean bildurik dituen Ipar Euskal Herriko lekukotasunak katalogatu eta erabiltzeko aukera ematen dio EKE-ri. Trukean, EKE-ren jabegoan diren hainbat testigantza eskuratuko ditu Badiharduguk.
2016-11-16 "Eleketa" programa
Euskal kultur erakundeak itsas munduko 32 gizon-emazteren testigantzak bildu ditu Eleketa Ipar Euskal Herriko ahozko ondare bilketa programaren baitan. Gehienak Donibane Lohizune eta Ziburukoak dira, bainan ere Hendaia eta Getariakoak. Bilketa honetaz EKE-ko Maite Deliart-ek idatzi artikulu bat agertu da Donostiako Untzi Museoko "Itsas memoria" aldizkariaren 8. zenbakian.
2016-11-08 Artxibo soinudunak
Ipar Euskal Herriko artxibo soinudunen balorapena badarama Euskal kultur erakundeak 2008az geroz, Pirinio Atlantikoetako departamenduaren obragintzapean, departamenduko artxiboen begiratze eta balorizazio programaren baitan. 2008-2015 urteen artean, 5 fondo landuak izan dira, orotara 1210 oren grabaketa.
2016-11-02 "Eleketa" programa
2007an abiatu zuen Euskal kultur erakundeak Ipar Euskal Herriko ahozko memoria kolektiboaren bilketa, artxibaketa eta hedapena. 2009az geroz Pirinio Atlantikoetako departamenduko obragintzapean darama programa hori. 2007-2015 tartean 307 lekuko grabatuak izan dira. Eta bilketa aitzina doa.
