Patxi Perez

1966 ( Baiona )

Patxi Perez 1966an sortua da, Baionan. Aita espainol jatorrikoa izanik (aitatxi Valentziakoa), nahiz eta ama itsasuarra izan, ez da sekula etxean euskaraz ari izan. Patxi Polo Beyris auzoaldean hazi zen, 7 urte arte. Euskal dantzak Polo Beyriseko Gazte eta Kultur Etxean (MJC) ikasi zituen, Koldo eta Maite Zabalarekin, bai eta txistua, Iñaki Urtizberearekin. 1974an, Basusarrira joan zen, haren burasoek etxea han eraiki baitzuten, eta Jean Nespriasen laguntzarekin sortu berria zen Biez Bat dantza taldean sartu zen. Haren irakasleen artean, Peio Irachabal, Claude Iruretagoyena, Pantxika Zubiria eta Pierre Betelu badira. Azken honen bidez, Donibane Lohizuneko Begiraleak taldean sartu zen, 1983an eta Lapurdiko jauzien, mutxikoen, berriz pizten azkarki parte hartu zuen. Garai berean, 1982ko irailetik 1984ko ekaina arte, Dassault eskolako ikasle izan zen. Formakuntza horren ondotik, soldadugotik dispentsaturik, euskara ikasi zuen, 1985-1986 urteetan, eta euskal dantzaren eta musikaren alorrean engaiatu zen. 1986an, Dassault lantegian hasi zen, baina ohartu zen ez zela hortan lan egiteko egina. 1992an, enpresatik borondatez joateko plan batez baliatu zen handik ateratzeko eta, urte berean, dantza irakasle gisa plantatu zen, eskolako publikoari, dantza taldeei eta helduei zuzendurik. Hamahiru urtez horretan lan egin zuen, denbora berean, 1997tik goiti, Agnès bere emaztearekin, folk dantzaldiak animatuz, Patxi Eta Batbiru taldearen bidez. 2005ean, irakaskuntza utzi zuen eta gehienik folk dantzaldietan ari izan zen, Patxi eta Konpania talde berriarekin. Patxi Perez hiru haurren aita da.

Grabaketak

# Erref. Izenburua Data Iraupena Herria Elkarrizketatzaileak
1 232 232 - Patxi Perez 2015-04-30 1:34:19 Basusarri Terexa Lekumberri

Pasarteak

# Izenburua Iraupena
1 Aurkezpena 0:02:05
2 Lehen irakaspenak Koldo et Maite Zabala-rekin 0:06:06
3 Txistuaren ikasketa Iñaki Urtizberea-rekin 0:02:22
4 Ingurumen linguistikoa Polo Beyris auzoan Baionan 0:01:08
5 Ingurumen soziolinguistikoa Basusarrin 0:03:13
6 Biez Bat dantza taldearen sortzea Jean Nesprias-ekin 0:06:41
7 Euskal dantza Basusarrin 1970 urteak aitzin 0:03:09
8 Lapurtar jauzien berritzea: lehen esperimentazioak 0:06:06
9 Lapurtar jauzien berritzea: Pierre Betelu-ren ekarpena ; Pili Tafernaberry-ren transmisioa 0:03:39
10 Dassault-en langile 0:06:14
11 Norabide berria dantza munduari buzuz 0:03:33
12 Euskal dantza: bi federakuntza 0:04:17
13 Urratsa elkartearen sortzea 0:01:17
14 Irakasle (1992-2005) 0:06:59
15 Euskararen lekua euskal dantzan 0:04:31
16 Dantza Piko formularen jatorria 0:04:15
17 Dantza Piko: lehen esperientziak 0:07:37
18 Patxi eta Konpania 0:07:28
19 Artekako langile eta irakasle 0:01:57
20 Dantzaren definizioa 0:01:31
21 Euskal dantza semantikaren eta ezaugarritasunaren artean 0:02:12
22 Tradizioa eta sorkuntza : gogoeta 0:07:30
CodeSyntax-ek garatua. Softwarea: Django.