Euskal mitologiaren munduan murgiltzeko ipuin kontatuak

Munduaren jatorria, fenomenoak eta giza-kondizioa azaltzen duten kondairez eta leiendez osatuak dira mitoak. Naturaz gaindiko izakiz beteak dira. Euskal mitologia horren lekuko dugu, Lamina, Basajaun edo Mari bezalako pertsonaiak istorio multzo aberats batean agertzen direnean.

Haien jatorrizko erranahia denborarekin ahuldu bada ere, natura eta lurraldeari biziki lotuta dauden entitate hauek naturaren indarra, antzinako jakintzak eta balio moralak gorpuzten dituzte. Belaunaldiz belaunaldi ahoz transmitituak, kondaira hauek ondare immaterial paregabea osatzen dute, XIX. mendean bildua eta gaur egun oraindik euskal nortasunaren bereizgarri dena.

Ospitalea ondare hezkuntzarako zentroak sortu duen erakusketan kontalari desberdinen ahotik (Koldo AMESTOY, Xan ERROTABEHERE, Emmanuel IÑARRA, Ixabel MILLET, Kattalin SALLABERRY, Maryse URRUTY) grabatu euskarazko ipuinak entzun daitezke.

Mintzoak atarian denen eskura emanak dira ere hemendik aitzina, euskarazko transkripzio eta frantsesezko itzulpenarekin batera.

Kontalariak eta ipuinak

Kontalari baten izenaren gainean klikatu irakurri dituen ipuinen izenburuak ikusteko.